People use to warn de government when it use to get dem office manager fuh tell people that it compulsory fuh people march. In de end dem stop because in dem days people use to seh that dem can keep de wuk. But nowadays de marching thing get in people blood.Some school decide that dem gun march to celebrate some Teachers’ Day.? Dem got people who does celebrate wid likker and food and things like that. This set decide that dem gun celebrate wid a march. Well a woman march and she dead.Dem boys seh that is de same thing that does mek dem get vex. When people go to hospital de first thing de doctor does tell dem is that dem got to exercise. Well this woman walk and she drop down and dead. Imagine if she did run. She woulda drop down long ago.Nuff people dead when dem was following doctor’s orders and exercising.? If you heart bad don’t exercise. That is why Brazzy ain’t exercising. He frighten he dead and lef all de money that NICIL arrange fuh he and dem big ones.He is one that doctors don’t even tell he fuh exercise. Irfaat is another one. Bharrat use to do de gym but he stop because he don’t want to tek chance wid de money he acquire. He tell dem boys that he ain’t gun do nutten to jeopardize he health.That is why all de partying stop. Dem boys seh that all who know that dem hustle de money from de treasury don’t trust nobody else. All of dem believe that dem colleagues gun kill dem suh nobody don’t go to de party. De same people warning against exercise and dem ain’t doing none. That is why de people does only see a few in de Labour Day march. Dem frighten dem drop down.Donald does exercise because he wife was a nurse and she does test he pressure every day. Sam don’t exercise but he tell people that he naturally strong. But poor Brazzy and Irfaat,NHL Ice Hockey Jerseys, dem like marshmallow.Talk half and watch how people frighten to walk.